Սամվել Ֆարմանյանի և Տարոն Մարգարյանի հարաբերությունները լարվել են. «Ժամանակ»
«Ժամանակ» օրաթերթի տեղեկություններով՝ վերջին շրջանում լարվել են ԱԺ ՀՀԿ պատգամավոր Սամվել Ֆարմանյանի և Տարոն Մարգարյանի հարաբերությունները՝ պայմանավորված ԱԺ նախկին պատգամավոր, ՀՀԿ-ական Ռուբեն Հայրապետյանի անձով։ Հայտնի է, որ Հայրապետյանը համարվում է Ֆարմանյանի հովանավորը։ Իսկ նրա ու քաղաքապետի ջրերը նույն առվով չեն հոսում։ Երկու ՀՀԿ-ականների հարաբերությունների լարվածությունն այնքան է խորացել, որ բանը հասել է կենցաղային հարցերին։ Ավելին կոնկրետ՝ ժամանակին չի իրականացվում Նոր Նորքի 9-րդ զանգվածում գտնվող այն շենքի աղբահանությունը, որտեղ բնակվում է պատգամավորը։
Մանրամասները՝ «Ժամանակ» օրաթերթի այսօրվա համարում։
