Մուշի բնակիչը ողջ շենքը պատել է պոլիէթիլենով` սառնամանիքներից պաշտպանվելու համար
Թուրքիայի Մուշ քաղաքում բնակվող հինգ երեխաների հայր Հուսեյն Արմեն այս տարվա աննախադեպ ցրտերից պաշտպանվելու համար իր շենքի մի քանի հարկերը պատել է պոլիէթիլենով: Նա համոզված է եղել, որ դա թույլ կտա խնայել ջեռուցման հարցում:
Արմեն իր երեխաների եւ բազմաթիվ ազգականների հետ բնակվում է հինգ հարկանի շենքում, պոլիէթիլենի միջոցով տաքությունը պահելու մասին նա կարդացել է համացանցում: «Մենք կարողացանք գտնել 12 մետր լայնությամբ եւ 40 մետր երկարությամբ պոլիէթիլենի փաթեթ եւ դրանով պատեցինք շենքի առաջին երեք հարկերը»,- Hurriyet-ին պատմել է հնարամիտ թուրքը: «Մեզ հաջողվեց հասնել նրան, որ տունը սկսեց տաքանալ: Արդյունքում վառելիքի սպառումը նվազեց 30%-ով», – ասել է նա:
