Մայամիում 8,5 մլն դոլարով վաճառքի է հանվել Ալ Կապոնեի առանձնատունը
Մայամի բիչում գտնվող ամերիկացի լեգենդար գանգստեր Ալ Կապոնեին պատկանող առանձնատունը վաճառքի է հանվել 8,5 մլն դոլարով: Հենց այդ առանձնատանն էլ 1947թ. նա իր մահկանացուն էր կնքել:
Շքեղ վիլան, որը կառուցվել է 1922թ-ին, գտնվում է Փալմ Այլենդ կղզում: Ալ Կապոնեն առանձնատունը ձեռք է բերել 1928թ-ին` 40 հազար դոլարով:
Վիլան հայտնի գանգստերների ազգականներին է պատկանել մինչեւ 1970-ականները, այնուհետեւ ձեռքից ձեռք է անցել: Ներկայիս սեփականատերը նյույորքցի ֆանանսիստ Էնթոնի Փանեբիանկոյին պատկանող ընկերություններից մեկն է, որն այն ձեռք էր բերել ընդամենը կես տարի առաջ` 7,4 մլն դոլարով:
