Մերկելը թույլ կտա պատժամիջոցների կիրառումը Ուկրաինայի ղեկավարների նկատմամբ, եթե խախտվեն ժողովրդավարության սկզբունքները
Գերմանիայի կանցլեր Անգելա Մերկելը թույլ է տալիս պատժամիջոցների կիրառումը ուկրաինական ղեկավարության առանձին ներկայացուցիչների դեմ, սակայն միայն ժողովրդավարության սկզբունքների խախտման դեպքում:
Գերմանիայի կանցլերը կարծում է, որ Ուկրաինայի ներքաղաքական ճգնաժամը պետք է հաղթահարվի հակամարտող կողմերի ներկայացուցիչների երկխոսության միջոցով: Սակայն եթե երկրի ղեկավարությունը չպահպանի «տարրական քաղաքացիական իրավունքները», ապա իրենք հանդես կգան «միջազգային հանրության կողմից հասցեական պատժամիջոցների կիրառման օգտին», հայտարարել է Մերկելը:
