Հովիկ Աբրահամյան. Անպայման ժամանակավոր հանձնաժողովը ստեղծելու ենք և բոլոր հարցերը քննարկելու ենք
Քիչ առաջ ԱԺ-ում ՀԱԿ խմբակցության պատգամավոր Հրանտ Բագրատյանի հայտարարությունից հետո ԱԺ նախագահ Հովիկ Աբրահամյանը՝ անդրադառնալով ոչ իշխանական ուժերի նախաձեռնությանը՝ ստեղծել ժամանակավոր հանձնաժողով և ուսումնասիրել գազամատակարարման ոլորտը, հայտարարեց. «Համաձայն եմ, որ պիտի քննարկենք բոլոր հարցերը և մենք առաջիկայում ստեղծելու ենք հնարավորություն, որ դուք նախաձեռնել էիք այդ հանձնաժողովը ստեղծելու համար՝ ժամանակավոր, ստեղծելու ենք և բոլոր հարցերը քննարկելու ենք: Անպայմա՛ն, ու ես պիտի խնդրեմ, որ բոլոր քաղաքական ուժերը ակտիվ մասնակցություն ունենան»:
