Մարդ հոգնում է ԱՎԾ-ից. Հրանտ Բագրատյանը` ԱՎԾ տվյալների մասին
ԱԺ պատգամավոր, ՀՀ նախկին վարչապետ Հրանտ Բագրատյանը Facebook-ի իր էջում անդրադարձել է Ազգային վիճակագրական ծառայության հրապարակած տվյալներին. «Մարդ հոգնում է ՀՀ ԱՎԾ-ից։ 1 ամիս առաջ 2013-ի հունվար-նոյեմբերի ՏԱՑ-ը 2012-ի նույն ցուցանիշի նկատմամբ 3.1% էր։ Անցավ մեկ ամիս և հրապարակվեց 2013-ի հունվար-դեկտեմբերի ՏԱՑ-ը 2012-ի նկատմամբ՝ 3.5%։ Ասացի չի կարող պատահել, չ՞է որ 2012-ի դեկտեմբերը շատ բարձր է եղել։ Բայց արի ու տես, որ 2013-ի դեկտեմբերը 5.6% ավել է եղել։ Փորձեցի հասկանալ. ո՞նց։ Դեռ չեմ պարզել։ Բայց մի քանի բան պարզ են։Նախ, 2013-ի դեկտեմբերին հանկարծ գյուղատնտեսությունը առաջ է ընկնում և 2012-ի դեկտեմբերի նկատմամբ աճում 16.4%-ով։ Ո՞նց։ Հիշենք դեկտեմբերյան ցրտերը Արարատյան դաշտում, հիշենք որ 2013-ին 42000 ուտող բերան պակաս ենք ունեցել և այլն։ Երկրորդ, 2013-ի հունվար-նոյեմբերի ՏԱՑ-ը ոչ թե 3.1% է (http://armstat.am/file/doc/99477903.pdf), այլ 3.3% (http://armstat.am/file/article/sv_12_13a_111.pdf)։ Բա։ Շտապեք նայել քանի թվերը չեն փոխվել։ Մարդ էլ չի ուզում ասել ո՞նց։ ԱՎԾ պետը դաֆթարները առնում գալիս է ԱԺ և ասում, որ ՄԱԿ-ի 28-րդ կոնվենցիայի 31-րդ կետի 124-րդ օրենքի 14-րդ պայմանագրի 36-րդ կետի 11-րդ հոդվածի 47-րդ մեկնաբանությամբ՝ ԱՎԾ պոլիտիկա չզբաղվել։ Արդեն ասել եմ Նախագահին, սրան մի հատ գեներալի կոչում տվեք էլի։ Չ՞եք ուզում միշտ երաշխավորված հաղթանակ ունենալ»։
