Հարավային Կորեան մտադիր է ընդլայնել ՀՕՊ-ի իր գոտին՝ ի պատասխան Չինաստանի
Ռուսական ИТАР-ТАСС լրատվական գործակալության փոխանցմամբ՝ Հարավային Կորեան մտադիր է ընդլայնել ՀՕՊ-ի իր բաժանարար գոտին՝ ի պատասխան Չինաստանի միակողմանի որոշման: Այս մասին հայտարարել է Հարավային Կորեայի կառավարության ներկայացուցիչը:
Նախորդ շաբաթ Չինաստանն Արևելա-չինական ծովում ընդլայնել էր իր ՀՕՊ-ի գոտու սահմանները, ինչը հարուցել էր ԱՄՆ-ի, Ճապոնիայի ու Հարավային Կորեայի դժգոհությունը: Դրա հետ կապված՝ Սեուլում գումարվել է խորհրդաժողով, որի ժամանակ հայտարարվել է ՀՕՊ-ի գոտին դեպի հարավ տարածելու անհրաժեշտության մասին:
Նշվում է, որ Հարավային Կորեայի քաղաքական շրջանակները նույնպես հակված են ՀՕՊ-ի գոտին հարավային ուղղությամբ ընդլայնելուն: Ներկայումս Սեուլում դիտարկում են ՀՕՊ-ի գոտու ընդլայնման աստիճանի հարցը:
