Կիևում ոստիկանությունն արցունքաբեր գազ է կիրառել ցուցարարների նկատմամբ
Ռուսական РИА Новости լրատվական գործակալության փոխանցմամբ՝ այսօր առավոտյան եվրաինտեգրման համար բողոքի ակցիայի դուրս եկածների ու ոստիկանների միջև բախումներ են գրանցվել Կիևի «Եվրոպական» հրապարակում: Իրավապահ մարմինների աշխատակիցները ցուցարարների դեմ կիրառել են մահակներ ու արցունքաբեր գազ:
Բախումը գրանցվել է այն ժամանակ, երբ ոստիկանությունը փորձել է բացել շենքին մոտեցած ավտոմեքենայի ճանապարհը: Գործին միջամտել են հատուկջոկատայինները, որոնք հետ են մղել ցուցարարներին: Նշվում է, որ եվրաինտեգրման կողմնակիցների շարասյունն Ուկրաինայի Նախարարների կաբինետի շենքին մոտեցել էր՝ այն շրջափակելու նպատակով:
Ցուցարարների քանակը կազմում է առնվազն 500 մարդ, շենքի մուտքը պահպանում է մոտ 100 մարդ:
