ԱՄՆ պետդեպարտամենտը հիասթափություն է հայտնել Ուկրաինայի կառավարության ընդունած որոշման կապակցությամբ
Ռուսական РИА Новости լրատվական գործակալության փոխանցմամբ՝ ԱՄՆ պետդեպարտամենտը հայտարարել է, որ ԱՄՆ-ը հիասթափված է Ուկրաինայի իշխանությունների կայացրած որոշումից՝ կապված ԵՄ-ի հետ Ասոցացման համաձայնագրի ստորագրման նախապատրաստական գործընթացը կասեցնելու և Ռուսաստանի ու ԱՊՀ երկրների հետ տնտեսական հարաբերությունները զարգացնելու անհրաժեշտության հետ:
ԱՄՆ պետդեպարտամենտը հայտարարել է, որ միանում է տվյալ որոշման կապակցությամբ ԵՄ-ի հայտնած հիասթափությանը: Դրա հետ մեկտեղ Պետդեպարտամենտը ԵՄ-ին խորհուրդ է տվել դռները բաց պահել Ուկրաինայի առջև՝ ընդգծելով, որ ԵՄ-ը Կիևին առաջարկել է պատմական հնարավորություն.
«ԱՄՆ-ը համոզված է, որ Ուկրաինայի եվրոպական ինտեգրումը տնտեսական բարգավաճման ու ժողովրդավարացման լավագույն ուղին է»:
