Իրանը չի հրաժարվի ուրանի հարստացումից
Իրանական IRNA լրատվական գործակալության փոխանցմամբ՝ իրանցի չինովնիկները հերթական անգամ հայտարարել են, որ Թեհրանը չի կանգնեցնի ուրանի հարստացումը:
Այս մասին հայտարարվել է Իրանի միջուկային ծրագրի հարցով բանակցային թիմի և Իրանի խորհրդարանի՝ արտաքին քաղաքականության ու ազգային անվտանգության գծով հանձնաժողովի միջև անցկացված քննարկումների ժամանակ:
Իրանի ու «Վեցյակի» միջև բանակցությունների հերթական փուլը Ժնևում մեկնարկելու է նոյեմբերի 20-ին:
Հիշեցնենք, որ Ֆրանսիայի նախագահ Ֆրանսուա Օլանդը Իրանի միջուկային ծրագրի շուրջ միջանկյալ համաձայնագիր ստորագրելու համար 4 նախապայման է ներկայացրել Թեհրանին:
