Մասուդ Բարզանին ժամանել է Թուրքիա
Թուրքական Anadolu լրատվական գործակալության փոխանցմամբ՝ Հյուսիսային Իրաքի քրդական ինքնավարության ղեկավար Մասուդ Բարզանին 20 ավտոմեքենայից բաղկացած շարասյան հետ այսօր առավոտյան ժամանել է Դիարբեքիրի նահանգ:
Բարզանին Թուրքիայի տարածք է մուտք գործել Խաբուրի սահմանային անցակետով: Ակնկալվում է, որ Բարզանին հանդիպելու է Թուրքիայի վարչապետ Ռեջեփ Էրդողանի հետ, որի հրավերով էլ նա ժամանել է Դիարբեքիր: Հանդիպման ժամանակ քննարկվելու են քաղաքական և տնտեսական բնույթի հարցեր:
