Հնդկաստանում «ՄիԳ-29» կործանիչ է կործանվել
Ռուսական РИА Новости լրատվական գործակալության փոխանցմամբ՝ Հնդկաստանի արևմուտքում գտնվող Գուջարատ նահանգում այսօր կործանվել է երկրի ռազմաօդային ուժերի «ՄիԳ-29» կործանիչ: Օդաչուն կատարել է ինքնանետում և փրկվել է:
Այս մասին հայտնել է Հնդկաստանի ռազմաօդային ուժերի ներկայացուցիչը: Միջադեպը գրանցվել է Ջամնագար ավիաբազայի շրջանում: Տարվում է հետաքննություն: Այլ մանրամասներ չեն հաղորդվում: Ընդհանուր առմամբ, Հնդկաստանի ռազմաօդային ուժերն ունեն 70 հատ «ՄիԳ-29» կործանիչ:
