Դատական առաջին նիստից հետո Մուրսիին հոսպիտալացրել են
Ամերիկյան The Associated Press լրատվական գործակալությունը, վկայակոչելով եգիպտական ԶԼՄ-ները, հայտնում է նոյեմբերի 4-ին տեղի ունեցած առաջին դատական նիստից հետո Եգիպտոսի նախկին նախագահ Մոհամմեդ Մուրսին հայտնվել է բանտային հոսպիտալում:
Կահիրեում տեղի ունեցած դատական առաջին նիստից հետո Մուրսիին տեղափոխել են Ալեքսանդրիայում գտնվող «Բուրջ ալ-Արաբ» բանտ: Նիստից հետո վատթարացել է Մուրսիի ինքնազգացողությունը, նրա մոտ են կանչվել բժիշկները, որոնք որոշել են, որ Մուրսին պետք է գտնվի բժշկական մշտական դիտարկման ներքո:
Բժիշկների խոսքերով՝ բարձրացել է Մուրսիի արյան ճնշումն ու շաքարի մակարդակը: Բանտային հիվանդանոցում Մուրսիին հատկացրել են առանձին պալատ՝ հեռուստացույցով և լոգասենյակով:
