Ուղևորի մոտ փամփուշտ է հայտնաբերվել
Հոկտեմբերի 30-ին, ժամը 16.15-ին, «Զվարթնոց» օդանավակայանի գծային բաժին հաղորդում է ստացվել, որ ուղևորներից մեկի մոտ փամփուշտ է հայտնաբերվել:
Մեկնած օպերատիվ խումբը պարզել է, որ Երևան-Կրասնոդար չվերթի ուղևոր, ՌԴ քաղաքացի,1967 թ. ծնված Մարտիկ Մ.-ի ձեռքի ուղեբեռի զննության ժամանակ հայտնաբերվել և առգրավվել է ինքնաձիգի 5.45 մմ տրամաչափի փամփուշտ:
Մարտիկ Մ.-ն բերման է ենթարկվել օդանավակայանի գծային բաժին:
Առգրավվածն ուղարկվել է փորձաքննության:
Կատարվում է հետաքննություն:
