Վճռաբեկ դատարանի նախագահը պակաս կվճարվի
Վճռաբեկ դատարանի հաջորդ նախագահը կվճարվի ավելի պակաս, քան ՀՀ կամ ԱԺ նախագահը. այս մասին 168.am-ին հայտնել է Ֆիննանսների փոխնախարար Պավել Սաֆարյանը: Այժմ Վճռաբեկ դատարանի նախագահի աշխատավարձն անհամեմատ բարձր է թե ՀՀ նախագահի, թե ԱԺ նախագահի աշխատավարձից, բայց աշխատավարձերի վճարման նոր հայեցակարգի ընդունման պարագայում իրավիճակը կփոխվի:
Ըստ Պավել Սաֆարյանի՝ օրենքը թույլ չի տալիս պետական ծառայողի աշխատավարձը նրա պաշտոնավարման ընթացքում իջեցնել, բայց երբ նոր մարդ ընտրվի Վճռաբեկ դատարանի նախագահ, նա արդեն տեղեկացված կլինի, որ ինքը ավելի ցածր աշխատավարձ է ստանալու, քան իր նախորդը:
