ԱՄՆ-ն կարող էր Ֆրանսիայում գաղտնալսումներն օգտագործել առևտրային պատերազմների համար. ԶԼՄ-ներ
ԱՄՆ հատուկ ծառայությունները կարող էին ազդեցիկ ֆրանսիացիների մասին տեղեկություններն օգտագործել Եվրոպայում ամերիկյան բիզնեսի համար մրցակցային առավելություններ ստեղծելու նպատակով: Այս մասին «Journal du dimanche»-ին հայտնել է ֆրանսիական հատուկ ծառայությունների աղբյուրը:
Ունենալով գաղտնալսման տվյալները`Վաշինգտոնը կարող էր «արդյունավետ աշխատել ազդեցիկ մարդկանց»` նախարարների, պատգամավորների, խոշոր ընկերությունների ղեկավարների հետ:
Պարբերականի զրուցակիցը պատահական չի համարել ամերիկյան հատուկ ծառայությունների կողմից մասշտաբային գործողությունների իրականացումը հենց Ծննդյան տոների շրջանում, քանի որ դեկտեմբեր-հունվարին տվյալների հավաքագրումը թույլ է տալիս կոնտակտների հսկայական բազա ստեղծել Ֆրանսիայի բնակչության նշանակալի մասի վերաբերյալ:
