Ստրասբուրգում կներկայացվի Երևանի ավագանու ընտրության մասին զեկույցը
Հոկտեմբերի 29-31-ը Ստրասբուրգում կգումարվի Եվրոպայի խորհրդի Տեղական և տարածքային իշխանությունների կոնգրեսի 25-րդ նստաշրջանը: Օրակարգում, ի թիվս այլ հարցերի, Երևան քաղաքի ավագանու ընտրության մասին զեկույցն է, հաղորդում է «Փաստինֆո»-ն:
Նստաշրջանն այս տարի նվիրված է «Եվրոպան ճգնաժամի մեջ է. տեղական և տարածքային ժողովրդավարության խնդիրներ» թեմային: Կոնգրեսի անդամները, մասնավորապես, կքննարկեն տեղական և տարածքային մակարդակում տնտեսական ճգնաժամին և սոցիալական համախմբվածության խնդիրներին արձագանքելու հնարավորությունները:
Ինչպես տեղականում ենք ԵԽ մամլո ծառայությունից, կքննարկվեն նաև ներգաղթյալների ինտեգրման նպատակով եվրոպական քաղաքապետարանների կողմից նրանց ձեռնարկատիրական գործունեությանն աջակցելու, ներգաղթյալների մուտքն աշխատանքի տարածքային շուկաներ ապահովելու խնդիրները:
Նստաշրջանի ընթացքում տեղի կունենա ԵԽ բոլոր 47 երկրներն ընդգրկող Տեղական ինքնակառավարման եվրոպական խարտիային նվիրված հանդիսավոր արարողություն: Այս միջազգային պայմանագիրը Եվրոպայում տեղական ժողովրդավարության վիճակի մոնիտորինգի բնագավառում Կոնգրեսի գործունեության հիմքն է:
Ամբողջությամբ` սկզբնաղբյուր կայքում:
