ՌԴ-ում գողական հավաքի ժամանակ ձերբակալվել են 32 հոգի, այդ թվում՝ երկու «օրենքով գողեր» (տեսանյութ)
Ինչպես գրում է «Прайм Крайм» գործակալությունը, երեկ Էլեկտրոստալ քաղաքի իրավապահները կանխել են գողական հավաքը, որը պետք է տեղի ունեներ տեղի սրճարաններից մեկում։ Հավաքի առիթը տեղի հեղինակություններից մեկի՝ Ճաղատ մանունով հայտնի Ալեքսեյ Ֆեդոտովի ծննդյան տարեդարձն էր։
Ոստիկանության արագ արձագանքման հատուկ ջոկատի մասնակցությամբ գործողության ընթացքում բերման է ենթարկվել 32 հոգի, հիմնականում Նոգինսկի և Էլեկտրոստալի քրեական հեղինակություններ։ Ամենաճանաչված հյուրերի թվում են եղել նաև 2 «օրենքով գողեր»՝ 41-ամյա Գերոգի Սորոկինը (Ժորա Տաշքենդցի) և 36-ամյա Օլեգ Պիրոգովը (Ցիրկաչ)։ «Прайм Крайм»-ի տեղեկություններով, արարողության մասնակցել են նաև «օրենքով գողեր» Ալեքսեյ Զաբավինն ու Վլադիմիր Օզյորսկին, սակայն նրանք հեռացել են մինչև ոստիկանների գալը։
Բոլոր մասնակիցները բերման են ենթարկվել ոստիկանություն, սակայն նրանց փաստաթղթերը կարգն են եղել և ոչ ոքի մոտ արգելված իրեր չեն հայտնաբերվել։ Գողական հավաքների անթույլատրելիության մասին պրոֆիլակտիկ զրույցներից հետո ոստիկանները նրանց շուտով ազատ են արձակել։
