Հոկտեմբերի 24-ին տեղի ունեցած պատահարներ
Հոկտեմբերի 24-ին, ժամը 12.00-ի սահմաններում, Էջմիածին-Մասիս ճանապարհի 4-րդ կմ-ին` Ոսկեհատ գյուղի վերջնամասում, «Նիսան Մարչ» մակնիշի ավտոմեքենան դուրս է եկել հանդիպակաց ուղեմաս, ինչի հետևանքով «ՎԱԶ-21074» մակնիշի ավտոմեքենան, վթարից խուսափելու համար, դուրս է եկել ճանապարհի երթևեկելի մասից ու կողաշրջվել. վերջինիս վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
Հոկտեմբերի 24-ին, ժամը 16.30-ի սահմաններում, Երևան-Արմավիր ճանապարհի 23-րդ կմ-ին իրար են բախվել «Օպել Զաֆիրա» և «ՎԱԶ-2106» մակնիշի ավտոմեքենաներ:
«Օպել Զաֆիրա»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Հոկտեմբերի 24-ին, ժամը 17.30-ի սահմաններում, Էջմիածին-Երևան ճանապարհի 7-րդ կմ-ին` Փարաքար գյուղի հատվածում, «ՎԱԶ-21214» մակնիշի ավտոմեքենան բախվել է մայթեզրի եզրաքարին:
Վարորդը մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն:
Կատարվում է քննություն:
Հոկտեմբերի 24-ին, ժամը 02.30-ի սահմաններում, Վանաձոր-Սպիտակ ճանապարհի 3-րդ կմ-ին «ՎԱԶ-2115» մակնիշի ավտոմեքենան դուրս է եկել ճանապարհի երթևեկելի մասից, գլորվել ձորը և բախվել ծառի:
Վարորդը մարմնական վնասվածքներով տեղափոխվել է «Վանաձոր» բժշկական կենտրոն:
Կատարվում է քննություն:
Հոկտեմբերի 24-ին, ժամը 15.00-ի սահմաններում, «ՎԱԶ-2108» մակնիշի ավտոմեքենան Երևան-Մեղրի ճանապարհի 169-րդ կմ-ին դուրս է եկել երթևեկելի գոտուց և շրջվել, ինչի հետևանքով վարորդը և 4 ուղևորները մարմնական վնասվածքներով տեղափոխվել են «Սիսիան» բժշկական կենտրոն:
Կատարվում է քննություն:
