Եվրամիությունը նոր կառույց կունենա` ԵՄ դատախազություն
Եվրախորհրդարանի պատգամավորները հավանության են արժանացրել հանրային դատախազի եվրոպական գրասենյակի ստեղծման նախաձեռնությունը: Նոր կառույցն զբաղվելու է ԵՄ բյուջեի միջոցների ոչ նպատակային ծախսումների եւ յուրացումների դեմ պայքարով:
Նախագծի համահեղինակներից Վիվիան Ռեդինգը նշել է, որ եվրոպական դատախազության կազմում կլինի մեկ դատախազ եւ չորս տեղակալ, ենթադրվում է, որ կենտրոնական գրասենյակը կգործի Բրյուսելում:
Այսպիսով, Եվրամիությունը հատուկ պաշտոնյա կունենա, որը կզբաղվի գումարների չարաշահման յուրաքանչյուր փաստի հետաքննությամբ:
