Պուտին. ԱՊՀ երկրների հետ վիզային ռեժիմը կարող է նոր տեսակի կոռուպցիա առաջացնել
Ռուսաստանի նախագահ Վլադիմիր Պուտինը կարծում է, որ ԱՊՀ երկրների հետ վիզային ռեժիմի ներդրումը կոռուպցիայի առումով նոր խնդիրներ կարող է առաջացնել, հաղորդում է INTERFAX-ը:
«Հարցն այն է, որ եթե մենք նոր ռեժիմ ենք ներդնում, արդյոք այն ավելի լավն է լինելու: Սա եւս խնդրահարույց հարց է: Քանի որ այն կոռուպցիան, որի մասին այստեղ արդարացիորեն խոսեցին, կարող է շուկաներից տեղափոխվել սահման»,-ասել է Վ. Պուտինն այսօր Ուֆայում կայացած ազգամիջյան հարաբերությունների հարցերով խորհրդի նիստում:
