Որո՞նք են աշխարհի ամենաթանկարժեք երեք փաստաթղթերը

Luxlux.net-ը հրապարկել է աշխարհի ամենաթանկարժեք փաստաթղթերի թոփ եռյակը:

1.Ազատությունների Մեծ խարտիա

Առաջին տեղում Ազատությունների Մեծ խարտիան է, որի արժեքը կազմել է  21,321 մլն դոլար: Մեծ Բրիտանիայի պատմության համար կարեւորագույն այս փաստաթուղթը, որը ստորագրվել է 1215թ-ին Անգլիայի թագավոր Հովհաննես I Անհողինի կողմից, բնօրինակով չի պահպանվել: Մեր օրեր է հասել միայն 1297թ-ին պատրաստված պատճենը, որն էլ 2007թ-ին աճուրդի էր հանվել  Sotheby’s –ի կողմից:

2. Ստրուկների ազատագրության մասին հռչակագիր /պրոկլամացիա/

ԱՄՆ նախագահ Աբրահամ Լինքոլնի կողմից 1862թ. ստորագրված Ստրուկների ազատագրության մասին պրոկլամացիայի գինը կազմել է 3,778  մլն դոլար: Առաջին տպաքանակից մնացել է միայն 25 օրինակ, որոնցից 19 –ը պահվում են թանգարաններում: 2010 թ-ին  Sotheby’s –ին աճուրդի էր հանվել մասնավոր հավաքորդների մոտ գտնվող վեց փաստաթղթերից մեկը, որն էլ վաճառվել էր նշված գնով:

3.Apple-ի հիմնադրման պայմանագիր

Apple ընկերության հիմնադիր պայմանագիրը հավաքորդի վրա արժեցել է 1,594  մլն դոլար: 1976 թ-ին Սթիվ Ջեբսը, Սթիվ Վոզնյակը եւ Ռոնալդ Ուեյնը ստորագրել էին հիմնադիր պայմանագիրը: Հենց այս թղթից էլ սկսվել էր Apple բրենդի պատմությունը: Մի քանի օր անց Ուեյնը հրաժարվել էր իր մասնաբաժնից  եւ ստացել պայմանագրի իր օրինակը` համապատասխան կետով: 35 տարի անց Ուեյնը այն վաճառքի էր հանել Sotheby’s-ում. գինը գրեթե 10 անգամ գերազանցել էր էսթիմեյտը: