Ամերիկացիները Հելոուինի վրա 7 մլրդ դոլար կծախսեն
ԱՄՆ-ում արդեն սկսվել են նախապատրաստվել Հելոուինին, որը նշվում է հոկտեմբերի 31-ին: Ըստ հաշվարկների` այս տարի ամերիկացիները հելոուինյան տարբեր կոստյումների, քաղցրավենիքի, դդումների վրա կծախսեն շուրջ 6,9 մլրդ դոլար, հաղորդում է RT-ն:
ԱՄՆ մանրածախ առեւտրի ազգային ֆեդերացիայի տվյալներով, 2013 թ-ին տոնակատարություններին կմասնակցի ԱՄՆ ավելի քան 158 մլն բնակիչ: Հիմնական ծախսերը կուղղվեն կոստյումների ձեռք բերմանը: Նշված 7 միլիարդից երեխաների հագուստների վրա կծախսվի 1,4 միլիարդ, իսկ կոնֆետների վրա` 2,4 միլիարդ: Եւս 330 մլն դոլար ամերիկացիները կծախսեն տնային կենդանիների կոստյումների վրա:
