Ինչպես սմարթֆոնով տաքացնել ձեռքերը. Սիբիրի ծրագրավորողների նոր հավելվածը՝ Android-ի համար
Կազանում անցկացված Android հավելվածների մրցույթում առաջին տեղը գրավել է «Ջերմության ճառագայթներ» հավելվածը, որը թույլ է տալիս սմարթֆոնը վերածել ջեռակի (грелка)։
Հատկանշական է, որ ծրագիրը մշակվել է ցուրտ եղանակով հայտնի Սիբիրի ընկերություններից մեկի կողմից։ «Ճանապարհին» («В Пути») կոչվող ընկերությունը, որը մատուցում է ճանապարհային ուղեկիցների փնտրման ծառայություն, ստացել է 200 հազար ռուբլի մրցանակ։
Ընկերության աշխատակիցները նշում են, որ հավելված-ջեռակի արդյունավետությունը կախված է սմարթֆոնի տեսակից և էկրանի պայծառության կարգավորումներից։ Սակայն կոնկրետ չի նշվում, թե հավելվածը որ մոդելների վրա է լավագույնս աշխատում։
Հավելվածն արդեն հասանելի է Google Play-ում՝ Heat Rays անվամբ։
