Հաստոցների շարժիչները գողացել են
Հոկտեմբերի 15-ին, ժամը 17.40-ին, մի հիմնարկությունից ոստիկանության Կապանի բաժնում հաղորդում է ստացվել, որ հունվարից հոկտեմբերն ընկած ժամանակահատվածում, պատուհանի ապակին կոտրելով, մեխանիկական արտադրամասից գողացել են 8 հաստոցների էլեկտրական շարժիչներ` պատճառելով գույքային վնաս:
Ձեռնարկված միջոցառումների շնորհիվ բաժին բերման ենթարկվածները` 1996 թ. ծնված Արեն Թ.-ն, 1995 թ. ծնված Նարեկ Մ.-ն և 1998 թ. ծնված Արթուր Մ.-ն տվել են ինքնախոստովանական ցուցմունքներ. գողությունը կատարել են ձմռանը, իսկ գողոնը որպես մետաղի ջարդոն վաճառել Կապան քաղաքում:
Վնասի չափը պարզվում է:
Կատարվում է հետաքննություն:
