Հոգևորականները բողոքի երթով շարժվում են դեպի ՀՀ կառավարություն (լուսանկարներ,տեսանյութ)
ԳԱԼԱ-ի փոխանցմամբ` «Ոչ գենդերային այլասերման» նախաձեռնության անդամները այս պահին հավաքվել են Թամանյանի արձանի հարեւանությամբ: Նախաձեռնությանը միացել են նաեւ մեծ թվով հագեւորականներ, ովքեր իրենց դժգոհությունն են արտահայտում ՀՀ կառավարության կողմից արդեն մեկ անգամ փոփոխության ենթարկված գենդերային օրենսդրական փաթեթի վերաբերյալ: Նախաձեռնությունը որոշում կայացրեց բողոքի երթ անցկացնել՝ քայլելով դեպի ՀՀ կառավարության շենք: Այնտեղ նրանք պատրաստվում են նամակ հանձնել ՀՀ կառավարությանը:
Հայ առաքելական եկեղեցու սպասավորները կայքի-ի հետ զրույցում նշեցին, որ իրենք դեմ չեն սեռերի հավասարությանը, քանի որ մարդն ի ծնե ազատ է եւ հավասար, բայց նրանք դեմ են «գենդերային այլասերմանը», նրանք ասացին, որ դեմ են միասեռականությանը:
Այն դիտարկմանը, որ արդեն մեկ անգամ օրենսդրական փաթեթը փոփոխության է ենթարկվել, նրանք հավելեցին, որ այդ փոփոխությունը ձեւական է եւ էական ոչինչ օրենսդրությունում չի փոխվել: Այս կերպ ներդրվելու պարագայում, ըստ նրանց, կխաթարվի հայ ընտանիքի ինստիտուտը: Այս մասին մանրամասներ կներկայացնենք ավելի ուշ:
