Զինվորն ինքնավնասել է ինքն իրեն. նրան մեղադրանք է առաջադրվել
ՀՀ ՊՆ N զորամասի զինծառայող 18-ամյա Արտակ Գևորգյանը՝ գտնվելով պարտադիր զինվորական ծառայության մեջ, հուլիսի 28-ին ժամը 12:30-ին գումարտակի լվացարանում ածելիով կտրվածքներ է կատարել աջ և ձախ նախաբազուկների շրջանում: Այս մասին տեղեկացնում է «Փաստինֆոն»:
Զինծառայողը տեղափոխվել է զինվորական հոսպիտալ, իսկ կատարած արարքի համար նրան մեղադրանք է առաջադրվել ՀՀ քրեական օրենսգրքի 363-րդ հոդվածի 1-ին մասով, խափանման միջոց ընտրվել՝ հրամանատարության հսկողության հանձնելը: Գործը մակագրվել է Գեղարքունիքի մարզի ընդհանուր իրավասության դատարանի դատավոր Վահագն Մելիքյանին:
