Հրդեհ «Սևան ազգային պարկ»-ում
Հոկտեմբերի 12-ին, ժամը 14.48-ին տեղեկություն է ստացվել, որ հրդեհ է բռնկվել Գեղարքունիքի մարզում` «Սևան ազգային պարկ» ՊՈԱԿ-ի Շորժա գյուղի տեղամասում:
Դեպքի վայր է մեկնել Ճամբարակ քաղաքի հրշեջ-փրկարարական ջոկատի օպերատիվ խումբը:
Հրդեհը մեկուսացվել է ժամը 16.12-ին, մարվել՝ 17.18-ին: Այրվել է մոտ 3 հա բուսածածկույթ:
Հրդեհաշիջման աշխատանքներին մասնակցել են Շորժայի տեղամասի 11 աշխատակից` տեղամասի պետի և 12 տեղի բնակիչ` Շորժայի գյուղապետի գլխավորությամբ:
Հիշեցնենք, որ այս տարի՝ ապրիլի 8-ին, դարձյալ հրդեհ էր բռնկվել «Սևան ազգային պարկ» ՊՈԱԿ-ին պատկանող տարածքում: Այրվել է 3000 քմ բուսածածկ տարածք:
