Սրճարանում ապակյա շշով հարվածողը ներկայացել է ոստիկանություն
Սեպտեմբերի 2-ին ոստիկանության Կենտրոնականի բաժնում հաղորդում էր ստացվել, որ երկու անհայտ անձինք սրճարաններից մեկում ապակյա շշով հարվածել են Ա. Ս.-ին և պատճառել վնասվածքներ:
Ձեռնարկված միջոցառումների շնորհիվ պարզվել է, որ նրան ապակյա շշով հարվածել է 1984 թ. ծնված Արման Մ.-ն, որը հոկտեմբերի 11-ին ներկայացել է բաժին և տվել խոստովանական ցուցմունք:
Կատարվում է նախաքննություն:
