Վերաքննիչ քրեական դատարանի դատավոր Մասիս Ռեհանյանը մահացել է արտերկրում
Երեկ մահացել է Վերաքննիչ քրեական դատարանի դատավոր Մասիս Ռեհանյանը:
Այդ մասին «Փաստինֆո»-ի թղթակցի հետ զրույցում լուրը հաստատել է ՀՀ դատական դեպարտամենտի միջազգային համագործակցության և հասարակայնության հետ կապերի ծառայության պետ Արսեն Բաբայանը:
«Դատավորի մահվան պատճառը դեռևս հայտնի չի», – ասել է Արսեն Բաբայանը հավելելով, որ դատավորը գտնվել է արտերկրում, այնտեղ էլ մահացել է:
Մասիս Ռեհանյանը ծնվել է 1961 թվականին Իրանի հանրապետության մայրաքաղաք Թեհրանում, 1980 թվականից մինչև 1982 թվականը ծառայել է խորհրդային բանակում, 1983 թվականից մինչև 1988 թվականը սովորել է Երևանի պետական համալսարանի իրավաբանական ֆակուլտետում։
1988 թվականից աշխատել է որպես ՀՀ ՆԳ նախարարության Երևան քաղաքի Շահումյանի շրջանի ՆԳ բաժնի քննչական բաժանմունքի քննիչ, 1994 թվականին ՆԳ նախարարի հրամանով նշանակվել է Մասիսի շրջանի քննչական բաժանմունքի պետ, 1996 թվականից մինչև 2001 թվականն աշխատել է որպես ՀՀ ՆԳ և ԱԱՆ Քննչական գլխավոր վարչության Արարատի մարզային քննչական բաժնի պետ։
Մանրամասները կարդացեք այստեղ՝
