«Էրեբունի-Երևան-2795» տոնակատարությունների համար 200 միլիոն դրամ ծախսելը պարզապես անարդյունավետ է. Արմեն Մարտիրոսյան
Հոկտեմբերի 11-ին և 12-ին կայանալիք «Էրեբունի-Երևան-2795» տոնակատարությունների համար 200 միլիոն դրամ ծախսելը պարզապես անարդյունավետ է: Ինչպես 168.am-ի հետ զրույցում նշեց «Բարև Երևան» դաշինքի կազմում Երևանի ավագանու անդամ Արմեն Մարտիրոսյանը, տոնակատարության համար նման գումար սահմանել է Երևանի քաղաքապետարանի նախորդ ավագանին՝ Երևանի բյուջեի հաստատման ժամանակ, թե տարբեր հոդվածներով ինչ գումարներ պետք է ծախսի:
«Ես այդ 200 մլն դրամն այլ ուղղությամբ կծախսեի՝ 1 երթուղային գիծ ավելի կստեղծեի բյուջեի հաշվին, այդ գումարները քաղաքին կուղղեի, քաղաքացիները մի փոքր ավելի նորմալ ծառայություն կստանային, կամ համեստ տարածքում մանկապարտեզ կկառուցեի, որի խնդիրը այսօր շատ ունենք Երևանում: Տոնակատարության խնդիրը կլուծեի հնարավորության դեպքում հովանավորների միջոցով, եթե հնարավոր լիներ կազմակերպել, թեկուզ, գովազդային պաստառներ տեղադրվեին տարբեր վայրերում: Այդպես կփորձեի»,- ասաց Ա.Մարտիրոսյանը:
