Կոնդի խաբված բնակիչների պահանջը կառավարությունից՝ հավաքվեք ու գնացեք Հայաստանից (տեսանյութ)
Այսօր կառավարության շենքի մոտ բողոքի էին հավաքվել Կոնդի խաբված բնակիչները, ովքեր հանդիպում էին պահանջում ՀՀ վարչապետ Տիգրան Սարգսյանի հետ:
«Վարչապետը իմ 1000 քմ հողը նվիրեց «Երևան, իմ սեր» ծրագրին: Հիմա մենք խնդրում ենք ճշտեք՝ հանդիպումը հնարավո՞ր է, թե՞ ոչ»,- պահանջում էին բնակիչները կառավարության քաղաքացիների ընդունելության և դիմումների քննարկման վարչության պետ Ալեքսանդր Ղազարյանից:
«Ոչ»,- եղավ պաշտոնյայի կտրուկ պատասխանը:
Կոնդի նախկին բնակիչներից Գարեգին Սաֆարյանը հայտարարեց, որ արդեն 6-րդ տարին է՝ կառավարությունը խաբում է իրենց. «Ձեր կառավարության աշխատողներին հավաքեք ու գնացեք Հայաստանից»:
Մանրամասները՝ տեսանյութում
