Երկու ինքնասպանություն նույն մարզո՞ւմ
Գեղարքունիքի մարզում, հոկտեմբերի 9-ին, ըստ նախնական տեղեկությունների, ինքնասպանության երկու դեպք է տեղի ունեցել:
Մարզի Լիճք գյուղի 31-ամյա բնակչին առավոտյան հայտնաբերել են ձեղնահարկում՝ կախված վիճակում: Երիտասարդի ինքնասպանության պատճառները հայտնի չեն:
Ոստիկանությունից NEWS.am-ի հետ զրույցում ևս պատճառը չեն հայտնել, միայն հաստատել են տեղի ունեցածը եւ նշել, որ կատարվում է քննություն: Նշանակվել է դատաբժշկական փորձաքննություն:
Ավելի ուշ տեղեկացվել է, որ նույն մարզի մեկ այլ գյուղում՝ Արծվանիստում, նույն օրը գերանից կախված են գտել նաեւ մի միջին տարիքի կնոջ:
