Հունաստանի պաշտպանության նախկին նախարարին երկրի դատարանը 20 տարվա ազատազրկման է դատապարտել
Հունաստանի դատարանը երկրի նախկին պաշտպանության նախարար Ակիս Ցոհաձոպուլոսին 20 տարվա ազատազրկման է դատապարտել` կաշառակերության եւ փողերի լվացման մեղադրանքով, հաղորդել է Skai հեռուստաալիքը:
Սա ամենախիստ պատիժն է այդ հանցագործության համար: Մյուս ամբաստանյալներին դատապարտել են 6 – 16 տարի ազատազրկման: Նախկին նախարարի տիկինը` Վիկի Սթամատին դատապարտվել է 12 տարվա ազատազրկման:
Ըստ մեղադրանքի` նախկին նախարարն ու մյուս ամբաստանյալներն ապօրինի կերպով «առնվազն» 55 մլն եվրո են ստացել` 1997- 2001թթ. սուզանավերի եւ ՀՕՊ համակարգերի գնման գործարքներից:
