Շվեյցարիայի ոստիկանությունը հրապարկել է Նիկոլայ II-ի թանկարժեք նվերի գողության մասին
Շվեյցարիայի ոստիկանությունը հաստատել է Ռուսաստանի կայսր Նիկոլայ II-ի կողմից իր երեխաների շվեյցարացի դաստիարակ Պիեռ Ժիլյարին նվիրած թանկարժեք զարդի գողության փաստը, շաբաթ գրել է շվեյցարական «Le Matin» պարբերականը:
Հանցագործությունը կատարվել է Լոզան քաղաքում դեռ 2009թ-ին, սակայն այդ մասին շվեյցարական լրատվամիջոցներին հայտնի է դարձել միայն օրերս, այն բանից հետո, երբ Ժիլյարի զարմիկը ցանկացել է իմանալ Ռոմանովների նվիրած զարդի մասին, որը նախնիները հանձնել էին համալսարանին: Պարզվել է, որ թանկարժեք իրը գողացվել է համալսարանական գրադարանից: Համալսարանի ղեկավարությունը տեղեկացրել է գողության փաստի մասին, սակայն որոնումներն արդյունք չեն տվել:
