Գերմանիայի քաղաքացուն վրաերթի ենթարկած և դեպքի վայրից փախուստի դիմած վարորդը ներկայացել է ոստիկանություն
Սեպտեմբերի 15-ին ոստիկանության Կենտրոնականի բաժնում հաղորդում էր ստացվել, որ անհայտ ավտոմեքենայի վարորդը Չարենցի փողոցի թիվ 50/1 հասցեի դիմաց վրաերթի է ենթարկել Գերմանիայի Դաշնային Հանրապետության քաղաքացի Վլադիսլավ Զ.-ին:
Հոկտեմբերի 4-ին ճանապարհատրանսպորտային հանցագործությունների քննության բաժին է ներկայացել 1982 թ. ծնված Վահրամ Վ.-ն և հայտնել, որ սեպտեմբերի 15-ին, ժամը 23.20-ի սահմաններում, «Տոյոտա» մակնիշի ավտոմեքենայով Չարենցի փողոցում ինքն է կատարել վրաերթը, որից հետո թողնելով դեպքի վայրը՝ հեռացել է:
Կատարվում է քննություն:
