Թուրքիայում F-4 տիպի ինքնաթիռ է կործանվել
Թուրքական Doğan լրատվական գործակալության փոխանցմամբ՝ Սվազի (Սեբաստիա) նահանգի Քանգալ շրջանի մոտ մարտական ինքնաթիռ է կործանվել: Միջադեպը գրանցվել է ժամը 15.15-ին, Մալաթիա տանող ճանապարհի մերձակայքում:
Նախնական տվյալներով՝ ինքնաթիռի երկու օդաչուները գտնվում են ծանր վիճակում: Դեպքի վայր են ժամանել շտապօգնության աշխատակիցներն ու փրկարարները: «Հյուրիյեթ» թերթը հայտնել է, որ կործանվել է F-4 տիպի ինքնաթիռ: Այլ մանրամասներ դեռ չեն հաղորդվում:
