Վրաստանը Հարավային Օսիայի սահմանին անպատասխանատու ձևով սրում է լարվածությունը. ՌԴ ԱԳՆ
Ռուսական РИА Новости լրատվական գործակալության փոխանցմամբ՝ Ռուսաստանի փոխարտգործնախարար Գրիգորի Կարասինը մեկնաբանել է ԶԼՄ-ներում շրջանառվող այն տեղեկատվությունը, որ վրացի լրագրողները բողոքի երթ են պլանավորել Թբիլիսիից դեպի Հարավային Օսիայի սահմանի Դվանի գյուղի մոտ:
Կարասինը հայտարարել է, որ վրացական կողմը դրանով իսկ շարունակում է անպատասխանատու ձևով սրել լարվածությունը Հարավային Օսիայի հետ սահմանակից շրջաններում. «Ռուսական կողմն ամողջովին կիսում է այդ հաշվով գնահատականներն ու մտահոգությունները, որոնք նախօրեին հայտնել են Հարավային Օսիայի ԱԳՆ-ը և հարավօսական մի շարք ղեկավարներ»:
