Վենեսուելայի նախագահը բոյկոտել է ՄԱԿ ԳԱ-ի 68-րդ նստաշրջանը
Ռուսական РИА Новости լրատվական գործակալության փոխանցմամբ՝ Վենեսուելայի նախագահ Նիկոլաս Մադուրոն հայտարարել է, որ Պեկինից վերադառնում է Կարակաս և ոչ թե Նյու Յորք, ուր պատրաստվում էր մասնակցել ՄԱԿ ԳԱ-ի 68-րդ նստաշրջանին:
Այս մասին Մադուրոն գրել է Twitter-ի իր միկրոբլոգում: Մադուրոն հավելել է, որ չորեքշաբթի Վենեսուելայում պլանավորված է «ինտենսիվ օր»:
Հիշեցնենք, որ Չինաստան մեկնելիս ԱՄՆ-ի իշխանությունները նրա օդանավի առջև փակել էին Պուերտո Ռիկոյի օդային տիրույթը, ինչը խստապես զայրացրել էր Մադուրոյին:
