Սերժ Սարգսյանը ՇՀԿ-ում Հայաստանին դիտորդի կարգավիճակ տրամադրելու հարցում խնդրել է ՀԱՊԿ անդամ երկրների աջակցությունը
Ռուսական ИТАР-ТАСС լրատվական գործակալության փոխանցմամբ՝ Հայաստանի նախագահ Սերժ Սարգսյանը ՀԱՊԿ անդամ երկրներից աջակցություն է խնդրել Շանհայի համագործակցության կազմակերպությունում (ՇՀԿ) Հայաստանի՝ դիտորդի կարգավիճակ ստանալու հարցում:
Սարգսյանը հաստատել է իր երկրի շահագրգռվածությունը կազմակերպության գործունեության նկատմամբ, որը նրա գնահատմամբ՝ կարևոր ներդրում ունի տարածաշրջանի անվտանգության ապահովման մեջ:
Դիմելով միաժամանակ ՀԱՊԿ և ՇՀԿ անդամ երկրների (Ռուսաստան, Ղրղզստան, Ղազախստան, Տաջիկստան) ղեկավարներին՝ Սարգսյանը հայտարարել է, որ հուսով է այդ հարցում ստանալ նրանց աջակցությունը:
Հիշեցնենք, որ այսօր Սոչիում մեկնարկել է ՀԱՊԿ անդամ երկրների ղեկավարների գագաթաժողովը:
