Վաղն Իրանում անցկացվելու է զորահանդես
Իրանական ISNA լրատվական գործակալության փոխանցմամբ՝ «Սրբազան պատերազմի շաբաթվա» կապակցությամբ վաղն Իրանում անցկացվելու է զորահանդես: Այս մասին հայտարարել է Իսլամական հեղափոխության պահակազորի մամլո ծառայության ղեկավար Ռամազան Շարիֆը:
Վերջինիս խոսքերով՝ զորահանդեսին մասնակցելու են Իրանի զինված ուժերի բոլոր ստորաբաժանումները, այդ թվում նաև Իսլամական հեղափոխության պահակազորի կորպուսը և ռազմածովսյին ուժերը. «Զորահանդեսի անցկացման նպատակը Իրանի ռազմական հզորությունն ի ցույց դնելն է:
Զորահանդեսն անցկացվելու է ոչ միայն Թեհրանում, այլև՝ Իրանի բոլոր քաղաքներում: Թեհրանում զորահանդեսն անցկացվելու է Իրանի նախկին գերագույն առաջնորդ, այաթոլլահ Խոմեյնիի դամբարանի առջև:
Զորահանդեսին հետևելու են նախագահ Հասան Ռոուհանին, բարձրաստիճան քաղաքացիական ու զինվորական անձինք, ինչպես նաև Իրանում օտար ներկայացուցչությունների ռազմական կցորդներ»:
