Սիրիան իր քիմիական զենքի մասին տվյալներ է ներկայացրել Հաագային
Բրիտանական Reuters լրատվական գործակալության փոխանցմամբ` Սիրիայի կառավարությունը սեպտեմբերի 20-ին իր քիմիական զենքի մասին տվյալներն ուղարկել է Հաագա, ուր բազավորված է Քիմիական զենքն արգելող կազմակերպությունը` բաղկացած 190 երկրից: Դեռ հայտնի չէ, թե կոնկրետ ինչ են պարունակում ներկայացրած փաստաթղթերը:
Սակայն կազմակերպության ներկայացուցչի խոսքերով` դեռ չեն ներկայացվել բոլոր տվյալները: Օտար հետախուզությունները ենթադրում են, որ Դամասկոսի տրամադրության տակ գտնվում են մոտ հազար տոննա մարտական թունավոր նյութեր: Տվյալների ստացման հետ գրեթե միաժամանակ որոշվել է անորոշ ժամկետով հետաձգել սեպտեմբերի 22-ին Հաագայում Սիրիայի հարցով պլանավորված խորհրդակցությունը:
