Վրաստանի համար կենսական կարևորություն ունի էներգետիկ անկախությունը. Բիձինա Իվանիշվիլի
Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին և էներգետիկայի ու բնական պաշարների նախարար Կախա Կալաձեն մասնակցել են Աջարիայում նոր հիդրոէլեկտրակայանի կառուցման հիմնարկեքի արարողությանը:
Իվանիշվիլին շնորհակալություն է հայտնել տեղաբնակներին, որ Շուախևիի հէկի կառուցումը մեկնարկում է հանգիստ իրավիճակում, առանց միջադեպերի. «Ինչպես հայտնի է, շատ քաղաքական գործիչներ շահարկում են հէկերի կառուցման թեման:
Շատ հաճախ նրանց հաջողվել է բնակչությանը համոզել այդ նախագծերի ոչ շահավետ լինելու մեջ: Սակայն Վրաստանի համար կենսական կարևորություն ունի էներգետիկ անկախությունը, և մենք պետք է լավ սերտենք դա: Մենք չունենք արտահանման այնպիսի հնարավորություններ, որոնք հնարավորություն կտային գնել էլեկտրաէներգիա:
Մենք պետք է կառուցենք բազում նոր հէկեր, իսկ դա իր հերթին նպաստելու է նոր ձեռնարկությունների ու հավելյալ աշխատատեղերի ստեղծմանը»:
