Թուրքիայում մտադիր են տուգանել դեպքի վայր ուշ ժամանած ոստիկաններին
Թուրքական Anadolu լրատվական գործակալության փոխանցմամբ՝ Թուրքիայի անվտանգության գլխավոր վարչությունը մտադիր է կառավարությանը ներկայացնել նոր օրինագիծ, ըստ որի՝ տուգանվելու են դեպքի վայր ուշ ժամանած անվտանգության ուժերի աշխատակիցները:
Նշվում է, որ ոստիկաններին, որոնց ուղարկել են դեպքի վայր, ապա նրանց հետևելու են GPS-նավիգատորների օգնությամբ, որպեսզի նրանք չկարողանան ուշ ժամանել դեպքի վայր: Եթե պարզվի, որ ոստիկանները չեն ժամանել դեպքի վայր կամ դա արել են ուշացումով, ապա նրանք կտուգանվեն:
Տուգանքի չափերի և օրինագծի մյուս մանրամասների մասին ոչինչ չի նշվում: Օրինագիծը կառավարությանը դիտարկմանը կուղարկվի հոկտեմբերին:
