Այսօր Կրասնոդարում զոհված 5 քաղաքացիների աճյուններն ու վիրավորները կտեղափոխվեն Հայաստան
Այսօր վաղ առավոտյան Կրասնոդարի երկրամասի Գուլկևիչի շրջանում Սոչի-Երևան ավտոճանապարհի 129-րդ կմ-ում տեղի ունեցած ավտովթարի տուժածները և զոհերի մարմինները տեղափոխվում են Հայաստան:
Այս մասին «Առաջին լրատվական»-ի հետ զրույցում տեղեկացրել է Գուլկեևիչ քաղաքի բժշկական կենտրոնի գլխավոր բժիշկ Գուշև Վադիմ Անատոլևիչը, ում վերահսկողության ներքո էլ գտնվում էին վիրավորները վերջին մի քանի ժամերի ընթացքում:
Նա տեղեկացրել է , որ միկրոավտոբուսի հինգ ուղևորները մահացել էին վթարի հետևանքով, իսկ մնացած 12 ուղևորները միջին ծանրության վնասվածքներ էին ստացել: Բժշկի խոսքով՝ նրանց առողջությանը վտանգ չի սպառնում:
Վադիմ Անատոլևիչն ասել է, որ հիվանդանոցում մնացած վիրավորների հարազատները ժամանում են հիվանդանոց՝ իրենց վիրավոր հայրենակիցներին Հայաստան տեղափոխելու նպատակով:
«Այսօր 7-ն արդեն տեղափոխվում են Երևան, իսկ մնացած չորսը, ամենայն հավանականությամբ, կտեղափոխվեն վաղը: Ճանապարհին խնդիրներ չեն առաջանա, քանի որ թույլատրվում է նրանց այդ վիճակով տեղափոխել, շատ ծանր չեն»,- նշել է նա:
Վթարի հանգամանքներն ու պատճառները պարզվում են: Միկրոավտոբուսում եղել է 15 ուղևոր:
Հայտնի են Հայաստանի զոհված 5 քաղաքացիներից 4-ի անունները: Վիրավորներից մեկը ութամյա երեխա է: Նրանք են՝
Մարիամ Սահակյան, ծնված 1985թ.
Լուսինա Խաչատրյան
Պիրիկ Պարնեցյան, ծնված 2005թ.
Արմեն Բաբայան, ծնված 1971թ.ծ
Մանրամասները այստեղ՝
