Վրաստանն աջակցություն է հայտնել Սիրիայի հարցում ԱՄՆ-ի դիրքորոշմանը
Новости-Грузия լրատվական գործակալության փոխանցմամբ՝ Վրաստանն աջակցում է Սիրիայի հարցում ԱՄՆ-ի դիրքորոշմանը: Այս մասին այսօր հայտարարել է Վրաստանի առաջին փոխարտգործնախարար Դավիթ Զալկալիանին:
Վերջինիս խոսքերով՝ ԱՄՆ-ի դիրքորոշմանը մի շարք երկրների կողմից աջակցություն հայտնելու նպատակը կայանում է ԱՄՆ-ի խաղաղասիրական նախաձեռնություններին աջակցելում, որոնցում խոսք չի գնում ռազմական որևէ գործողության մասին:
Զալկալիանին ընդգծել է, որ քիմիական զենքի կիրառումը հանդիսանում է միջազգային իրավունքի նորմերի խախտում, և որ անհրաժեշտ է աջակցել քիմիական զենքի կիրառման արգելմանն ուղղված ԱՄՆ-ի ու միջազգային հանրության ջանքերին:
