Թուրքիայում մեկնարկել են Ռումինիայի ու Սաուդյան Արաբիայի հետ համատեղ ռազմաօդային զորավարժությունները
Թուրքական Ihlas լրատվական գործակալության փոխանցմամբ՝ երեկ մեկնարկել են Թուրքիայի, Ռումինիայի ու Սաուդյան Արաբիայի ռազմաօդային ուժերի համատեղ զորավարժությունները, որոնք տևելու են մինչև սեպտեմբերի 20-ը: Զորավարժություններն անցկացվում են Քոնիայի ռազմաբազայում:
Զորավարժություններին դիտորդի կարգավիճակով կհետևեն ԱՄՆ-ի, ԱՄԷ-ի, Բոսնիա-Հերցեգովինայի, Վրաստանի, Նիդերլանդների, Մեծ Բրիտանիայի, Իսպանիայի, Կատարի, Հունգարիայի, Չիլիի, Թունիսի ու Ադրբեջանի (12 երկիր) ներկայացուցիչները: Զորավարժությունների անցկացման նպատակը կադրերի պատրաստումն է, ինչպես նաև փորձի փոխանակումը:
