Բաշար Ասադը շնորհակալություն է հայտնել Վլադիմիր Պուտինին
Ռուսական РИА Новости լրատվական գործակալության փոխանցմամբ՝ Սիրիայի արտգործնախարար Վալիդ Մուալեմը ժամանել է Մոսկվա, ուր և հանդիպել է Ռուսաստանի արտգործնախարար Սերգեյ Լավրովի հետ:
Հանդիպման ժամանակ Մուալեմը փոխանցել է Սիրիայի նախագահ Բաշար Ասադի կողմից Ռուսաստանի նախագահ Վլադիմիր Պուտինին հասցեագրած շնորհակալությունը՝ կապված սեպտեմբերի 5-6-ին Սանկտ Պետերբուրգում անցկաված G-20-ի գագաթաժողովում Սիրիայի վերաբերյալ նրա դիրքորոշման հետ:
Մուալեմը հայտարարել է, որ իրենք ժամանել են Մոսկվա՝ իրենց ռուս գործընկերների հետ կարծիքներ փոխանակելու այն բանի շուրջ, թե ինչպես թույլ չտալ Սիրիայում արտաքին ռազմական միջամտություն:
