Ռուսաստանի հետ հարաբերություններում նկատվում է բացարձակապես դրական դինամիկա. Բիձինա Իվանիշվիլի
«Ազատություն» ռադիոկայանին տված հարցազրույցի ժամանակ Վրաստանի վարչապետ Բիձինա Իվանիշվիլին հայտարարել է, որ Վրաստանում իրականացված իշխանափոխությունից հետո Ռուսաստանի հետ հարաբերություններում նկատվում է բացարձակապես դրական դինամիկա:
Նա ընդգծել է, որ այդ պլանում քայլեր են ձեռնարկել երկու կողմն էլ: Միևնույն ժամանակ Իվանիշվիլին հայտարարել է, որ Հարավային Օսիայի հետ սահմանին Ռուսաստանի կողմից լարափակոցներ անցկացնելը չի համապատասխանում հարաբերությունների կարգավորման գործընթացին:
Իվանիշվիլին ընդունել է, որ Ռուսաստանը մեծ տերություն է, որի հետ հարաբերություններում պետք է ունենալ սկզբունքային, կառուցողական ու դիվանագիտական մոտեցում: