ԱՄՆ կոնգրեսն ամառային արձակուրդներից հետո վերադառնում է աշխատանքի
Ամերիկյան Associated Press լրատվական գործակալության փոխանցմամբ՝ ԱՄՆ կոնգրեսն այսօր ամառային արձակուրդներից հետո վերադառնում է աշխատանքի: Ամառային արձակուրդը տևել է ավելի քան մեկ ամիս: Արդեն ամենամոտ ժամանակում նա պետք է կայացնի մի շարք կարևոր որոշումներ, որոնք առնչվում են ոչ միայն ԱՄՆ-ին, այլև՝ ողջ միջազգային հանրությանը:
Դա հիմնականում վերաբերում է Սիրիայի դեմ ռազմական գործողությունը սկսելու վերաբերյալ բանաձևին: Գործակալության տվյալներով՝ Ներկայացուցիչների պալատի անդամների մոտ կեսն արդեն իսկ հրապարակավ հայտնել է այդ հարցում իր դիրքորոշման մասին, և նրանցից միայն 30-ն է արդարացված համարում ռազմական ակցիան:
Կոնգրեսականներից շատերի մոտ դեռ թարմ է Իրաքի հետ կապված պատմությունը: Ակնկալվում է, որ Ներկայացուցիչների պալատում այդ հարցի վերաբերյալ քվեարկություն է անցկացվելու սեպտեմբերի 16-ից հետո:
